Чулман

ГЫЙБРӘТ ӨЧЕН Кем нәрсә тели, шуны ишетә Бер шәһәрдә таныш ике ир очрашкан. Урам тулы машина, бер якта музыкантлар җыр суза... Кинәт берсе: – Берәү дога кыла, – ди. – Ялгышасыңдыр: шундый көчле тавыш астында ничек ишетелсен? – дип аңа танышы. Янәшәдәге йортка күз салсалар, аның ачык тәрәзәсе янында ир-ат намаз укый икән. – Колакларың гадәти түгелдер синең. – Хикмәт колакларда түгел – йөрәктә. Кем нәрсә тели, шуны ишетә. Шуннан соң, кесәсеннән берничә тимер акча алып, юлга ыргыта. Янындагы танышы, асфальтка чылтырап төшкән акча тавышын ишетеп, акчасы төшмәдеме икән дип, кесәсен капшый башлый. Моны күргәч, икенчесе: “Минем хаклыкка ышандыңмы инде: син дә шундый тавыш арасыннан акчаның асфальтка төшкәнен ишеттең?” – ди. ☘Һәр нәрсәнең уңай һәм тискәре ягы була. Кеше кайсысын күрергә тели, шунысына игътибар бирә. Бу кешесең әхлагы, нинди тәрбич алуы, шулай ук ислам кануннарын аңлау дәрәҗәсенә дә бәйле. Әйтик, яңгыр яуганда берәү: “Кәефем төште”, – дип зарлана, икенчесе: “Җир суга туена”, – дип сөенә. Аллаһ афәтләр бирмәсен, сәламәтлектән аермасын, дип, сабырлык күрсәтик, кечкенә генә шатлыкка да сөеник, кайгыны сабырлык белән күтәрик. 🤲 Алсу Исмәгыйлева- Әхмәтзакирова сәхифәсеннән.

ТАНЫШ БУЛЫЙК: “Кама” сәүдә йортының йөктөягеч йөртүчесе Динар Кәрамов Динар Кәрамов КТ  предприятиеләрендә эшләүче төктөягеч йөртүче яшьләрнең һөнәри осталык бәйгесендә катнашты. 🏞️ Чыгышы белән Мөслим районы егете, техникумды электрик, тракторчы һөнәре буенча белем ала. Хезмәт биографиясен урман хуҗалыгында манипулятор йөртүче сыйфатында башлый. 🛞 2019 елда Түбән Кама шәһәренә күченә һәм “Кама” сәүдә йортының продукция төяп җибәрү цехына йөктөягеч йөртүче булып эшкә урнаша. Башта авыр булды, ләкин: “Китәм, – димәдем, – Өйрәнәм”, – дидем. Һәм өйрәндем дә, чөнки укытучыларым әйбәт булды. Гомумән, сменада киң күңелле, мактауга лаек кешеләр эшли. 💪 Динар Алабуга шәһәрендә узган «Алабуга-skills» һөнәри осталык бәйгесендә өченче урын яулаган егет. Яшьләрнең гади эшче булып эшлисе килмвенә аның фикере мондый: – Авыл балалары белән шәһәрнекеләр аерыла. Без физик хезмәткә күнегеп үстек. Бүгенге яшьләрнең дөньяга карашы үзгә: алар мәктәптә укыганда ук акыл хезмәтенә тартыла, ә менә авыл хуҗалыгы, төзелеш, торак-коммуналь, сәнәгать предприятиеләре өчен кирәкле һөнәрләрне сайлаучылар аз. Үземнең заводта эшләвемә үкенмим. Кыскасы, һәркем үз юлын сайлый.

ШАТЛЫКЛЫ ЯҢАЛЫК: шәһәрнең җәмәгать транспортында юл хакын киметергә мөмкин 📢 Ничек? Әлеге сорауга җавап бүгенге эшлекле дүшәмбедә шәһәр мэры Радмир Беляев тарафыннан яңгыраган. Аның сүзләренчә, Түбән Кама халкы юл бәясен телефондагы «Яндекс Go» кушымтасының «Транспорт» сервисы аша түләсә, 50 процент ташлама ясала, ягъни 23 сумга йөри ала. 📆 Акция 31 октябрьгә кадәр дәвам итә. 🖥️ Икенче хәбәр: быел шәһәрнең 50 тукталыш павильонында мәгълүмат панельләре урнаштырылачак. Таблода маршрут номерлары, хәрәкәт расписаниесе, тукталышка килеп җитү вакыты, һава торышы турындагы мәгълүмат реаль вакыт режимында яктыртылачак. Шәһәр башлыгы бу юнәлештә эш дәвам итәчәк, дип белдерде.

Эш атнасын күтәренке кәеф белән башлыйк! ✨ Һәр эшнең башлангыч ноктасында эшенә бирелгән, шул ук вакытта коллектив мәнфәгатен кайгырткан көч рухлы җитәкче тора. 🌬️ Халыкта андыйлар турында “Җылы сулышын өрә” диләр. 💡 Әйе, хезмәт коллективының уңышын, тәүдә, бердәм тырыш хезмәт тәшкил итә.